mardi, août 30, 2005

تبدلتي

الاثنين 29 غشت


حنان : السلام عليكم
أنيما : و عليكم السلام. آه حنان؟ كيف دايرة لاباس عليك؟
حنان : لاباس الحمد لله. أو انت لاباس؟
أنيما : الحمد لله. يوسف و هاجر لاباس؟
حنان : لاباس عليهم. هاجر خليتها عند ماما. باش نمشي نصايب ليوسف الغذا راه قرب يخرج من الخدمة. و انت مازال ما غادي يحن علينا الله و تجي تزورينا؟
أنيما : انشاء الله. راكي عارفة أنا ما بقايتش كنخرج بزاف
حنان : دابا خارجة خارجة ياله معايا لدار
أنيما : و الله راه أنا جاية عيانة. ياله خرجت من واحد السيمينير. و راكي عارفة الطريق شحال بعيدة.و كتعرفيني عزيز عليا نتمشى
حنان : أنا ما بقيت عارفة عليك والو. تبدلتي بزاف. ضعفيتي بزاف.و ولا في عينيك واحد الحزن. مالك؟اشنو واقع؟ ياكما كتبغي شي واحد؟
أنيما : لا و راكي عارفاني قلبي حاطاه في الركنة
حنان : و مالك؟
أنيما : والو
حنان : عرفتي كن كون جالسة مع راسي و كنتفكر شحال كنا كنجيو نشكيو و نبكيو عليك. كنا دايرين نوبة.كنت انت هي الطبيب النفساني ديالنا كنت ديما كتسمعي لينا و كتحلي معانا المشاكل ديالنا. و انت ما عمرك ما شكيتي.و احنا كنا أنانيين عمرنا ما سولناك واش عندك شي حاجة
أنيما : ماشي مشكل
حنان : باقا كتقولي النكات؟ باقا عندك هاديك الضحكة؟
أنيما : لا
حنان : حتى يوسف قال لي أنيما تبدلات
أنيما : كلشي كي تبدل. ياك يوسف قبل ما تزوجي بيه كان سكايري. شوفي دابا شحال تبدل ولا اللحية و الجامع و ولا سلفي و دار ليك الخمار
حنان : الخمار راه سترة المرا و راه شرع ربي
أنيما : انت عارفة رأيي في هاد الموضوع بلاما نبقاو نتناقشو
حنان :كيف جاك حتى درتي الحجاب. تبدلتي 180 درجة. شحال حاولت نقنعك زمان باش ديريه و ما بغايتيش
أنيما : انك لا تهدي من تشاء و لكن الله يهدي من يشاء. باقي يوسف كي قول عليا القطة
حنان : آه باقي تيقولها. و انت عارفة من نهار عايرتيه قبل ما نتزوجو و هو كيقولها عليك. كان لسانك طويل. شفتي ملي وقفنا ما تعايرتي معايا. قلت ليك تبدلتي
أنيما : حنان راجلك غادي يجي ما يلقاش الغذا غادي يجي يحيح عليا أنا
حنان : بغايتي تكركبيني ياك. واخا آ لالة. ايوا راكي عارفة الدار
أنيما : انشاء الله


في الحقيقة بعد ذهابها تركتني في حيرة. هل حقا تغيرت؟و كيف تغيرت من ذلك الطبع الاجتماعي إلى هذا الطبع الحدودي؟و..و..و

vendredi, août 26, 2005

Commentaire d'un anonyme

جاءني هذا التعليق في مدونتي




salam et desole par çe que ghadi ngoul la verite awalan hada ma blog ma walou ila kanat chi 7aja fiha lfayda wariha liya na9dar manchoufhache zidi 3lik les ami diyawlak les blogeu.....wa7da katba 3la moche majrab ozid ozid allahe yan3al li maya7cham



ألى السيد أنونيم
أولا- شكرا على التعليق
ثانيا- لا يكلف الله نفسا الا وسعها. اذا لم تعجبك مدونتي يمكنك أن لا تفتحها
ثالثا- أنا حرة نكتب ما بغيت و أمال أيضا حرة تكتب ما تريد


و أنتم ماذا تظنون هل أكتفي بهذا القدر و أعتزل الكتابة كما يريد الأخ الذي ليست له حتى الشجاعة لكي يفصح عن هويته .أم أواصل؟

mercredi, août 24, 2005

الملسلس الحلقة 4


و بعد أن أقفل أبو العيال الباب بالجهد. رجع الى أم العيال و لكن في طريق عودته توقف قليلا

أبو العيال : شوف بنادم شحال خايب باغيني نتخاصم مع أم العيال. سبحان الله شحال من واحد حاط عينه عليها. سليكس باغي يتفرج و عبد الصمد باغيني نطلقها و العربي كينق عليها قدامي. و لكن أنا راه غادي نفقصهم أوما نا نتخاصمش معاها.
أبو العيال : أم العيال الحبيبة لغزالة مومو عينيا
أم العيال : راه سمعت كلشي. آجي نديروا ليهم خاطرهم. و غير حاضينا بعينيهم قوسوا علينا. سي فري أنا زوينة مي هاد الشي راه بزاف
أبو العيال : واخا آ زين ديالي مي أ كوندصيون
أم العيال : كوا؟
أبو العيال : نتعايرو بالمغربية. ما كنعرفش نعاير بي شي لهجة أخرى
أم العيال : واخا الحبيب ديالي. و غير بشوية راه العيال ناعسين
أبو العيال : واخا ياله نبداو؟
أم العيال : بلاتي حتا نتقاد
أبو العيال : واش صافي؟
أم العيال : ياله نبداو
أبو العيال : آش هاد الشي آ لالة. آش هاد خاينة جاي يدق عليك في 12 ديال الليل
أم العيال : أو مالك كتغوت غير بشوية؟
أبو العيال : راه كنهضر معاك آش بشوية؟
أم العيال : وا بشوية آ بنادم غادي تفيق العيال
أبو العيال : نسيت سمحي ليا. ياله نكملوا. ما بقايتش معمر ليك العاين. رجليك خرجوا لشواري
أم العيال : و مالك أنت آسيدي أنت سوقك؟ خليني ندبر على رزقي أنت غير تابعني كيف الزلط
أبو العيال : أنا أولا أنت لي لاصقة فيا؟ نسيتي قبل ما نتزوجوا شحال جريتي مورايا كتطلبيني غير نشوف فيك
أم العيال : أنا نطلبك أنت. ايوا لا سماحة لهاداك الدكالي الكبير- الله لا يرحمو- هو اسبابي حتى تزوجتك آ العقوبة
أبو العيال : أنا عقوبة يالبايرة. لولايا أنا ما كنتيش تزوجي
أم العيال : أنا بايرة نسيتي أولا نفكرك. سيدك جاد المالح جا يخطب فيا. أو سيدك دون كيشوط ماشي بقا كيبكي عليا أو سيدك
أبو العيال : واش كتضحكي على راسك؟
أم العيال : واش كتهضر بصح؟
أبو العيال : لا راه غير كنمثلو. راه أنا عارف بلي رجال القبيلة كلهم كانوا كيحماقوا عليك
أم العيال : ايوا هاكاك ياله نكملوا
أبو العيال : راه عيت فيا نعاس. ياله راه خاصني نفيق مع 6 ديال الصباح. أو هادوك راهم غادي يصبحوا ناعسين. مالنا احماقينا نديرو راسنا فيهم
أم العيال : عافاك آ الحبيب ديالي غير شوية أو نمشيو نعسوا
أبو العيال : واخا
أم العيال : نسيتي شحال تبعتيني أو شحال طلبتي هاداك الدكالي الكبير – الله لا يرحموا – باش يزوجنا
أبو العيال :أنا؟ ياك أنت اللي بقايتي تبكي على مامي حتى وافقات تعطيني ليك

أم العيال
: واقيلا الى ضسرت. هاك

أو نزلات عليه بالمخدة
أبو العيال : أم العيال شفتك درتيها بصح. نوضي تنعسي وصلنا حتى الضرب. نوضي احسن ليك
أم العيال :واخا أنت ديما ملي كنوصلوا المرحلة الزوينة كتقمعني
أبو العيال : نوضي تنعسي احسن ليك. كيف ما كيقول المثال المرا الى ما كلاتش العصا من الأحد الى الأحد كتقول ما كاين حد
أم العيال : هاهي ناضت

أبو العيال : ايوا أو نتوما ديوها شوية في شغالكم بقاو حاضين هاديك المرا غادي تحماقوا عليها. الله لا ديتوها


C vrais=سي فري
Mais= مي
A condition= أ كوندصيون
Koi=كوا

dimanche, août 21, 2005

Joha & la viande

كنت أبحت في دفانري القديمة. فوجدت هذه القصة فتذكرت أيام الأبتدائي أيام الطفولة و تشايطين. فقررت أن أنشرها لعلها تذكركم أنتم أيضا بشئ ما


Joha et la viande


Un jour, Joha va au marché. Il achète un beau gigot pesant deux kilogrammes. Il rentre à la maison. Il remet la viande à sa femme et lui dit : « voilà la viande que j’ai achetée pour le déjeuner. Fais-la cuire à point comme je l’aime ! » puis il sort.

Sa femme fait cuire le gigot. Tout à coup, on frappe à la porte. Elle ouvre : c’est son frère. Il revient du voyage. Il est affamé. Tous les deux se mettent à table. Ils mangent peu à peu toute la viande.

Joha rentre et dit :

« oh ! ça sent bon ! où est la viande ? »

« le chat a tout mangé pendant que j’étais occupée à faire le ménage »
Répond sa femme.

Joha court après le chat. Il l’attrape et le met sur le plateau de la balance : il constate qu’il pèse deux kilogrammes. « coquine : crie-t-il à sa femme. Si les deux kilogrammes sont de la viande, où est le chat ?et si c’est le poids du chat, où est la viande ?


Le livre de 5éme ou 4éme année primaire

vendredi, août 12, 2005

الملسلس الحلقة 3

أم العيال : انت جيت؟
أبو العيال : ايوة جيت في حاجة؟
أم العيال : ابنك كاظم ضرب جاك ابن الحج عويس
أبو العيال : الله يقطع همك على هم عيالك, و قال ايه الحج عويس؟
أم العيال : والو غادي غير يرفع علينا دعوة
أبو العيال : صافي؟
أم العيال : واه خليه باش نمشيو نشوفو المحكمة كيف ولات, راه قالت ليا خديجة جارتنا راهم بدلو ليها الديكور
أبو العيال : واخا الزين ديالي, ايوا كاين شي عشا؟
أم العيال : موجود الخير
أبو العيال : أنا غادي نصلي لعشا أو نجي نلقا كلشي واجد , العيال ناموا؟
أم العيال : وي ناموا
أبو العيال : و فرنسواز؟
أم العيال : نامت
أبو العيال : أوكي ياله شدي حيلك ليلتنا طويلة
أم العيال : حاضر
و بعد فترة يعود
أبو العيال : حطيتي كولونيا؟
أم العيال : ايه حطيت كولونيا
دق دق دق. الدقان في الباب
أم العيال : قوم يا راجل شوف مين ع الباب؟
أبو العيال : شكون الي غادي يجينا في هاد الوقت؟
أم العيال : في نظرك شكون غادي يجينا في هاد الوقت صاحبي؟ هذا غير شي واحد في صحابك
أبو العيال :شكون؟
الطارق : قريب
أبو العيال يفتح الباب يصدم بوجود مسكين على الباب
المسكين: شي صدقة ع الله, الله يرحم بيها الوالدين
أبو العيال : صدقة في 12 ديال الليل؟ مالك محرشك عليا شي واحد؟
المسكين: شي خبيز راه فيا الجوع أو مانكرهش معاه شي كاس ديال الحليب أو الزيتون
أبو العيال : ما بغايتنيش أنا؟
المسكين: لا ما عندي ما ندير بيك
أبو العيال : بعد مني احسن لبك
المسكين: ياه على سقرام, بعد مراتك احسن منك
أبو العيال : مراتي؟ امتى شفتيها؟
المسكين: واقيلا زبلتها, اللي بغا يصايب البوطة الفورنو الفران, اللي بغا يحرق لميلانو طورينو نابولي
أبو العيال : واتسنى آ هداك بنادم
و بعد لحظة يقفل الباب بعنف, و رجع الى أم العيال

و مالكم آش كتسناو؟ الى الحلقة القادمة

mercredi, août 10, 2005

تعبانة

أم العيال تعبانة وجعانة مرضانة. اتعبها البحر و اللعب و لهبال واخة كانت شوية دايرة لبال مع العيال. المهم سآخد فترة راحة لكي أنام. أريد أن أنـــــــــــــــــــــــــــــــــــــــــــــــــــــــــــــــــــــــــــــــــــام

mardi, août 02, 2005

عطلة

سأودع عالم الأنترنت لأسبوع. سأدهب في رحلة استجمام. سأشتاق اليكم. و غادي تهناو من صداعي. ايوا صافي بلا ما تبكيو راه غير أسبوع. مع السلامة. ديرو بالكم لمدونة ديالي ل يسرقوها.