تغيير

لكل من يهمه الأمر سأغير الموقع الى

http://anima.canalblog.com

و شكرا

الملسلس الحلقة 7

لم أكتب شيئا من هذه الحلقة, أردت أن أنشرها كما وصلتني عبر الأيميل. يبدو أن حمى كتابة المسلسلات و صلت الى الصديق العزيز مرتدا

أبوالعيال:الو
أم العيال :الو أبو العيال
أبوالعيال:باش عرفتيني؟
أم العيال :شميتك
أبوالعيال:عمت غير البارح
أم العيال :فين انت دابا
أبوالعيال:في الدار البيضا في كاريان سنطرا
أم العيال :كيداير مع الخدمة
أبوالعيال:غادي نرجع للبلاد راه تباع كلشي جملة،توحشتك بزاف البارح كتبت فيك الشّعرتسمعيه
أم العيال:گول وخا الشّعر ديالك كيجيب التبوريشة
أبوالعيال: ا

أم العيال يا أم العيال************* شحال توحشتك و شحال
تفكّرت أول متلاقينا************* في جناب العوينة
شافنا بوك محمّد*************** شبعني عصا بوتد
حبك قاسي ******************ضرني في ضراسي
أناراجع يادريويشة************* راني توحشت الدشيشة
النّاس صايمة في رمضان *********وأنا بحبك سكران
النّاس تفكر في التمر وفي الحريرة ***وأنا نفكر فيك وفي البگيرة
أم العيال يا أم العيال************ شحال توحشتك و شحال
كيجيتك
أم العيال :فاش في الهضرة لي ماتشري خضرة.شوف رد بالك من بنات لمدينة
أبوالعيال:لقيت واحد الهمزة گالو ليا إلى ضيّعتيها راك عروبي،امرأة بولدها كبير،ماگال شري الحليب و لا دّ يه للطبيب
أم العيال :كيضحكو عليك هادي هيّ الهمزة يا العروبي
أبوالعيال:بلا ماتغوّتي،را مابغايتش ليهم گلت ليهم باراك عليّ أم العيال فيها جوج عيالات و عندها دوار ديال الدراري
أم العيال :وا قيل رجليك خرجوا من الشّواري
أبوالعيال:الشّواري طمع فيه القايد دّاه مع الكرّوسة
أم العيال :و الحمار؟
أبوالعيال:الحمار دّاوه الفوريان.مشيت انيجبوگالو ليّاعندك مخالفة السرعة شدّك الرّادار غادي باكتر من ربعين في الساعةو عندك السّير شارج غادي تخلّص8000ريال و2000ريال على اللّيلة في الفوريان گلت ليهم أنا كي يبات عندي غير فابور.ورجعت و خلّيتو يخلّص على راسو هو كامل أنا شاريه ب5000ريال
أم العيال :هي لا حمار لا 6 فرانك, الو...الوو...وقيل مشا ليّا الرّيزو.هو لي مشا ليه الرّيزو مع بنات المدينة
بنات المدينة..!!! واقيل أنا لي لا حمار لا 6 فرانك لا راجل الو...الوو... الو...كتسمعني

الملسلس الحلقة 6

أبو العيال : قومي يا ولية
أم العيال : أوووووف. اصطبحنا و اصطبح الملك لله, آشنو بغايتي؟
أبو العيال : و نوضي آ بنادمة و فايقي هاداك القندوح ديال ولدك باش نمشيو المحكمة
أم العيال : المحكمة مع 4 ديال الصباح؟ أنت مالك احماقيتي؟
أبو العيال : راه ياله نوجدوا راسنا
أم العيال : نوجدوا راسنا مالنا غادين العرس
أبو العيال : أنت راك فيك الهضرة بزاف, آجي مال هاديك الجاموسة درتي ليها هاديك الحالة؟
أم العيال : والو غير ربطتها و درت ليها الرقم السري باش فرنسواز ما تعاودش تسرقها
أبو العيال : تسرقها؟ آشنو غادية تدير بيها؟ راها ما تنفع ما تضر
أم العيال : و أنت مالك سوقك؟ و لا كتجي عليها حيث أختك؟
أبو العيال : و نوضي, أووووف آش داني نتزوج؟
أم العيال : واد يا كاظم
كاظم : ايوا يا ماما
أم العيال : ياله قوم راح نروح المحكمة
كاظم : راه ما مساليش عندي كونفرنس مع اميل زولا
أم العيال : انت عاوز تجنني اميل زولا مين؟ مش هايدة اللي بيبيع النعناع؟
كاظم : لأ يا ماما, هايدة هو اللي بيبيع اللوز و الجنجلان في رمضان. عم نتناقش على الخطة الجديدة في رمضان المقبل
أم العيال : حتى يزيد المولود و نسميوه مسعود
كاظم : حاضر أقفل النت و جاي
أم العيال : يحضر لك الخير يا حبيبي
أبو العيال : لمين عم بتقولي حبيبي؟ عم بتخونيني؟
أم العيال : اللهم طولك يا روح. كن قولها ل كاظم
أبو العيال : مين كاظم؟ كاظم الساهر؟ حتى هو دخلتيه في القائمة؟
أم العيال : الله يستر
أبو العيال : ياله البسي عشان نروح قبل الحج عويس
أم العيال : ألبس ليه؟ هو احنا رايحين فين؟
أبو العيال : رايحين المحكمة مشان القضية اللي رافعها علينا الحج عويس
أم العيال : هو أنا ما قلتلكش؟
أبو العيال : آشنو؟
أم العيال : راه الحج عويس سحب الدعوة
أبو العيال : سحب الدعوة؟ علاش ما قلتيهاش؟
أم العيال : نسيت سبحان اللي ما يسهى و لا ينام
أبو العيال : ايوا كون مشينا المحكمة دابا؟
أم العيال : علي احنا كنا غادين نمشيو على ود القضية
أبو العيال : لا كنا غادين نمشيو نتقداو الفول و الحمص
أم العيال : قالوا ليا راه كيتباع الفول و الحمص زوين تما
أبو العيال : الله يستر
أم العيال : هدا مالو؟ ايوا الله يستر. نرجع ننعس

نكتة أخرى قديمة

الأول : شوف واش عيني حمراء؟
الثاني : واه
الأول : واش كتضرني؟

(هي و هو (2

للمرة الثانية تأتيني منهارة
أنيما : مالك عاود تاني؟
هي : قربنا نتكاتبو
أنيما : اللي غادية تزوج كتكون ضاحكة و لا باكية؟
هي : و راه أنا مخلوعة
أنيما : علاش؟
هي : ماما راها مصرة تدير ليا شهادة العدرية
أنيما : ايوا علاش مخلوعة؟ ياكما؟
هي : ما عرفتش
أنيما : كيفاش ما عرفتيش؟ ياكما مشيتي معاه الدار؟
هي : لا
أنيما : ايوا آشنوا راك خلعتيني؟
هي : عقلتي فاش عاودت ليك على القصة ديالي مع ولد جيراننا؟
أنيما : واه
هي : وهي مترددة كأنها خائفة من شيء ما
أنيما : مالك علاش كتبكي؟
هي : راه ما كملتش ليك لا أنت و لا هو القصة. راه ماشي غير باسني راه
أنيما : اغتصبك؟
هي : ما عرفتش راه ما دازش الدم
أنيما : مصدومة
هي : قولي ليا آشنو ندير نقولها ليه و لا لا؟
أنيما : ؟؟؟؟؟؟؟
هي : شفتي هاداك النهار هو غير قلت ليه راه باسني و ما سامحنيش بقا غير نقول ليه راه
أنيما : سيري عند الطبيب
هي : ما قدرتش. راه أنا خايفة
أنيما : و لكن راه خاصك تمشي باش ترتاحي
هي : ما قدرتش. خايفة لا نتصدم
و انهارت مرة أخرى
أنيما : حسبي الله و نعم الوكيل
يا الله مادا سأقول لها ؟و مادا ستفعل هده المسكينة في دنب ليس لها يد فيه؟

(هي و هو (1

جاءتني منهارة
أنيما : مالك؟ تخاصمتوا عاود تاني؟
هي : كيف العادة
أنيما : ويلي آ صاحبتي, عام و أنتما مع بعضياتكم. و دابا حتى قربتوا تزوجوا عاد وليتوا كتخاصموا, شهر و أنتما على هاد الحال, مالكم علاش تخاصمتوا عاود تاني؟
هي : والو
بيني و بينكم عرفتها ما بغاش تقول ليا
أنيما : شوفي عندك 2 ديال الحلول. اما تصبري و تكملي معاه الطريق يا اما تقطعي بالمرة
هي : هذا إلى بغا يكمل معايا الطريق, عرفت غادية نقول ليك, أنت الوحيدة اللي كندير فيها الثقة, البارح كنت كنهضر معاه كيف العادة

هو : كنبغيك
هي : حتى أنا كنبغيك
هو : ما باينش ليا
هي : علاش؟
هو : فينما تنقول ليك شي حاجة كتقولي لي لا
هي : راك كتطلب شي حوايج ماشي معقولة
هو : من حقي نبوسك و من حقي تمشي معايا الدار راك غادية تولي مراتي. آجي عمر شي واحد باسك؟
هي : لا
هو : آه؟
هي : مالك؟
هو : حاس راك كتكذبي
هي : اسمع شحال من مرة و أنت كتسولني هاد السؤال
هو : زعمة هادوك 2 اللي كنت مصاحبة معاهم, عمر شي واحد فيهم ما باسك؟
هي : غادية نقول ليك واحد السر ما عمرني ما قلت ل شي واحد
هو : قولي
هي : ملي كنت صغيرة كان بابا ديكتاتور. كان خاصو غير علاش يغوت و بما أنني أنا البنت الوحيدة اللي عندو و هو ما كيحملش البنات كان خاصو ليا غير السبة. بسبابو تكونات عندي عقدة من الرجال. عرفت هاد الشي راه كيضرني في خاطري حتى لمن بعد و نكمل ليك
هو : لا باغي نعرف دابا. هضري
هي : المهم واحد النهار لقاني خارجة الزنقة كنلعب مع البنات, و بدأ كيغوت و بغا يضربني, و هي تهربني ماما عند الجيران, ملي دقيت خرج ليا ولدهم و دخلني, عاودت ليه كلشي كنت صغيرة بزاف و هو كان كبير, المهم هاداك الولد استغل الفرصة و بدا كيبوس فيا
هو : و من بعد؟
هي : بديت كنغوت و هو يخاف و طلقني
هو : صمت
هي : مالك؟
هو : والو
هي : تقلقت؟
هو : علاش خبيتي عليا هاد الشي؟ شحال من مرة سولتك كتقولي لي ما كاين والو
هي : خفت لا نخسرك
هو : و دابا ما خايفاش؟
هي : خايفة و أنا كنتسنى القرار ديالك. و من بعد ما بقاش باغي يهضر معايا. و اليوم هضر معايا و لكن قال
هو : ما عمرني غادي نسامحك
هي : علاش كتحاسب معايا على الماضي؟
هو : الماضي جزء من الحاضر
هي : و لكن أنا راه ما بغاش نتفكروا, ملي كنتفكروا كنمرض
هو : واخا؟
هي : عندك الحق تحاسب معايا غير من نهار عرفتك, هاديك الساعة إلى درت شي حاجة ما تسامحنيش
هو : صمت طويل
هي : آشنو؟
هو : واخا, و لكن إلى مشيت حتى عرفت عليك شي حاجة أخرى ما غاديش نسامحك حياتي كاملة
هي : واخا
هو : متافقين؟
هي : واخا متافقين. ايوا شفتي آ أختي أنيما, هو اللي ديما كيمشي مع البنات ما خاصنيش نهضر معاه و أنا كيتحاسب معايا على شي حاجة ما درتهاش بايدي, ايوا آشنو رأيك؟
أنيما : ؟؟؟؟؟

بصراحة لم أعرف بماذا أجيب. و لكنها تغيرت كثيرا, تغيرت لأنها تحبه و تحبه بصدق

ولكن هل سامحها؟ و هل بني ذلك الحائط بينهما كما قالت؟ و لماذا تسامحه هي على خيانته لها و هو لا؟ و هل كان يجب أن تخبره؟
منذ مدة و أنا أبحث عن أجوبة لهذه الأسئلة