و بعد أن أقفل أبو العيال الباب بالجهد. رجع الى أم العيال و لكن في طريق عودته توقف قليلا
أبو العيال : شوف بنادم شحال خايب باغيني نتخاصم مع أم العيال. سبحان الله شحال من واحد حاط عينه عليها. سليكس باغي يتفرج و عبد الصمد باغيني نطلقها و العربي كينق عليها قدامي. و لكن أنا راه غادي نفقصهم أوما نا نتخاصمش معاها.
أبو العيال : أم العيال الحبيبة لغزالة مومو عينيا
أم العيال : راه سمعت كلشي. آجي نديروا ليهم خاطرهم. و غير حاضينا بعينيهم قوسوا علينا. سي فري أنا زوينة مي هاد الشي راه بزاف
أبو العيال : واخا آ زين ديالي مي أ كوندصيون
أم العيال : كوا؟
أبو العيال : نتعايرو بالمغربية. ما كنعرفش نعاير بي شي لهجة أخرى
أم العيال : واخا الحبيب ديالي. و غير بشوية راه العيال ناعسين
أبو العيال : واخا ياله نبداو؟
أم العيال : بلاتي حتا نتقاد
أبو العيال : واش صافي؟
أم العيال : ياله نبداو
أبو العيال : آش هاد الشي آ لالة. آش هاد خاينة جاي يدق عليك في 12 ديال الليل
أم العيال : أو مالك كتغوت غير بشوية؟
أبو العيال : راه كنهضر معاك آش بشوية؟
أم العيال : وا بشوية آ بنادم غادي تفيق العيال
أبو العيال : نسيت سمحي ليا. ياله نكملوا. ما بقايتش معمر ليك العاين. رجليك خرجوا لشواري
أم العيال : و مالك أنت آسيدي أنت سوقك؟ خليني ندبر على رزقي أنت غير تابعني كيف الزلط
أبو العيال : أنا أولا أنت لي لاصقة فيا؟ نسيتي قبل ما نتزوجوا شحال جريتي مورايا كتطلبيني غير نشوف فيك
أم العيال : أنا نطلبك أنت. ايوا لا سماحة لهاداك الدكالي الكبير- الله لا يرحمو- هو اسبابي حتى تزوجتك آ العقوبة
أبو العيال : أنا عقوبة يالبايرة. لولايا أنا ما كنتيش تزوجي
أم العيال : أنا بايرة نسيتي أولا نفكرك. سيدك جاد المالح جا يخطب فيا. أو سيدك دون كيشوط ماشي بقا كيبكي عليا أو سيدك
أبو العيال : واش كتضحكي على راسك؟
أم العيال : واش كتهضر بصح؟
أبو العيال : لا راه غير كنمثلو. راه أنا عارف بلي رجال القبيلة كلهم كانوا كيحماقوا عليك
أم العيال : ايوا هاكاك ياله نكملوا
أبو العيال : راه عيت فيا نعاس. ياله راه خاصني نفيق مع 6 ديال الصباح. أو هادوك راهم غادي يصبحوا ناعسين. مالنا احماقينا نديرو راسنا فيهم
أم العيال : عافاك آ الحبيب ديالي غير شوية أو نمشيو نعسوا
أبو العيال : واخا
أم العيال : نسيتي شحال تبعتيني أو شحال طلبتي هاداك الدكالي الكبير – الله لا يرحموا – باش يزوجنا
أبو العيال :أنا؟ ياك أنت اللي بقايتي تبكي على مامي حتى وافقات تعطيني ليك
أم العيال : واقيلا الى ضسرت. هاك
أو نزلات عليه بالمخدة
أبو العيال : أم العيال شفتك درتيها بصح. نوضي تنعسي وصلنا حتى الضرب. نوضي احسن ليك
أم العيال :واخا أنت ديما ملي كنوصلوا المرحلة الزوينة كتقمعني
أبو العيال : نوضي تنعسي احسن ليك. كيف ما كيقول المثال المرا الى ما كلاتش العصا من الأحد الى الأحد كتقول ما كاين حد
أم العيال : هاهي ناضت
أبو العيال : ايوا أو نتوما ديوها شوية في شغالكم بقاو حاضين هاديك المرا غادي تحماقوا عليها. الله لا ديتوها
C vrais=سي فري
Mais= مي
A condition= أ كوندصيون
Koi=كوا
14 commentaires:
lolllll...a lalla ma3endi may tssalek...derti lina khawya f3amra :)...ana wakha 3endi prézentacioune mouhima 2awi doumane..b9it ntferej fl moussal ssal lmaghribo-faransso-missri
iwa nnoud nkemel khdemti...aji be3da ana rah derni rassi...ch7al dial l3iyal kaynine ? ;)
slix : ma 3andi ma yetsalak dima neta lawal. rah fi l7al9a 2 goulna 3andna 7 dial l3iale. & allah ye3awnak 3la prézentacioune.
merci....ahhh 7...rah ghir telfatni lprézentacioune ...ou 7it makaybanouch bezaaf...:)
aji 3endi chi ja2iza...7it ana dima louel ;)
vraiment très drole :) c'est tjrs un plaisir de te lire.
slix : oui bien sur 3nadak ja2iza. ghadi terba7 maska dial 4 ryal. ghadia nersalha lik par e-mail.
el mehdi : c'est un grand plaisir de te voir ici une autre fois. merci pour ta visite
C'est hilarant!!!
ça me rappelle les film indou traduit en darija de la RTM :D
:)
bravo anima hanti 3awtani
salam...ana ba3da matjabdouch lya ghir françoise dyali...ach khbarak sara?
hache : mar7ba
li : 2 mar7ba
hanaa : merci
abdessamad :allah yebarak fik
abdeslam : 3la selama nese7bak tewadareti. matekhafch 3la françoise raha dialak. je suis bien. & merci
weeeeey....lmouhim man wessikch...lmeska bghitha tkoun Tenderment allah ikhelik...ou 7awli ttaway m3a moul zeri3a...gouli lou in9ess lik chouia f tamane...illa mabghach gouli lou rah f chamal kat dir ghir 2 d rial...
iwa rani kan sayen lmail blmesska...
slix : tendermente raha katedir 6 ryal. raha ghalia bezzaf. wakha hakak ma tekoun ghir 3la khaterak. iwa ara flousse transport bach nemchi nejibha lik man chamal
vraiment un grand mahzala anima oui ana tani lanonyme
ana metafak m3a l'anonyme.illa had
lhalaka fin ma kankraha kandehak.
testahel anima nchokroha 3liha
Enregistrer un commentaire