lundi, octobre 17, 2005

الملسلس الحلقة 7

لم أكتب شيئا من هذه الحلقة, أردت أن أنشرها كما وصلتني عبر الأيميل. يبدو أن حمى كتابة المسلسلات و صلت الى الصديق العزيز مرتدا



أبوالعيال:الو
أم العيال :الو أبو العيال
أبوالعيال:باش عرفتيني؟
أم العيال :شميتك
أبوالعيال:عمت غير البارح
أم العيال :فين انت دابا
أبوالعيال:في الدار البيضا في كاريان سنطرا
أم العيال :كيداير مع الخدمة
أبوالعيال:غادي نرجع للبلاد راه تباع كلشي جملة،توحشتك بزاف البارح كتبت فيك الشّعرتسمعيه
أم العيال:گول وخا الشّعر ديالك كيجيب التبوريشة
أبوالعيال: ا
أم العيال يا أم العيال************* شحال توحشتك و شحال
تفكّرت أول متلاقينا************* في جناب العوينة
شافنا بوك محمّد*************** شبعني عصا بوتد
حبك قاسي ******************ضرني في ضراسي
أناراجع يادريويشة************* راني توحشت الدشيشة
النّاس صايمة في رمضان *********وأنا بحبك سكران
النّاس تفكر في التمر وفي الحريرة ***وأنا نفكر فيك وفي البگيرة
أم العيال يا أم العيال************ شحال توحشتك و شحال
كيجيتك
أم العيال :فاش في الهضرة لي ماتشري خضرة.شوف رد بالك من بنات لمدينة
أبوالعيال:لقيت واحد الهمزة گالو ليا إلى ضيّعتيها راك عروبي،امرأة بولدها كبير،ماگال شري الحليب و لا دّ يه للطبيب
أم العيال :كيضحكو عليك هادي هيّ الهمزة يا العروبي
أبوالعيال:بلا ماتغوّتي،را مابغايتش ليهم گلت ليهم باراك عليّ أم العيال فيها جوج عيالات و عندها دوار ديال الدراري
أم العيال :وا قيل رجليك خرجوا من الشّواري
أبوالعيال:الشّواري طمع فيه القايد دّاه مع الكرّوسة
أم العيال :و الحمار؟
أبوالعيال:الحمار دّاوه الفوريان.مشيت انيجبوگالو ليّاعندك مخالفة السرعة شدّك الرّادار غادي باكتر من ربعين في الساعةو عندك السّير شارج غادي تخلّص8000ريال و2000ريال على اللّيلة في الفوريان گلت ليهم أنا كي يبات عندي غير فابور.ورجعت و خلّيتو يخلّص على راسو هو كامل أنا شاريه ب5000ريال
أم العيال :هي لا حمار لا 6 فرانك, الو...الوو...وقيل مشا ليّا الرّيزو.هو لي مشا ليه الرّيزو مع بنات المدينة
بنات المدينة..!!! واقيل أنا لي لا حمار لا 6 فرانك لا راجل الو...الوو... الو...كتسمعني

5 commentaires:

Anonyme a dit…

أحسنت يا مرتدا الصراحة غلبتيني. شوف شحال من عام أو أنا كنعرفك ما كنتش كا نعرف راه فيك الضحك هاكا.باقي خاصك ترسل ليا الشعر اللي كنت كاتكتب أيام زمان

Anonyme a dit…

i7darou atta9lidd :)

chefti a anima guelt lik nass 7atin 3inihoum 3la lmoussalssal dialek...

bravo mortada...walakin fina hia lmissiria ou lfranssawia dialhoum ?..ou l7al9a ba3da rah ma tadouzj bla lbatala lli hia lguamoussa :)

serieux tres bin fait

Anonyme a dit…

tbarkalah 3la anouar 3okacha...wa 3la anima rizki 7ta hya...

Houdac a dit…

heu...non moi je suis pas d'accord!!!
Non et non!!!
y a pas lgamoussa, y a pas kazem, y a pas françoise...y a surtout pas "ya wleya"...
Non!!! Je veux oum el 3eyal...la vraie!!

Mourtada> llah yehdik wach ghir aji ou koun abou l3eyal? (c'est pas mal du tout ton truc...:))

Anonyme a dit…

في البداية أقدم شكري إلى كل من ساهم بتعليق سواء نقدا أو دعما.
كما أعتذر لمتتبعي المسلسل عن تطفلي عليهم. فأنا في الحقيقة قدمت
لأنيما هيكل حوار واقترحت عليها أن تتصرف فيه،لكنها أبت أن تقدم
الحوار كما هو.